काठमाडौं । कोरियाली रोजगारीका लागि ५ हजार ३ सय जनाको कोटामा १ लाख ३ हजारभन्दा बढी नेपाली युवाले आवेदन दिएका छन्। रोजगार अनुमति प्रणाली (ईपीएस) अन्तर्गत उत्पादन र कृषि–पशुपालन क्षेत्रमा मागिएको श्रमिक संख्याको १९ गुणा बढी आवेदन परेको हो ।
उच्च तलब र सुरक्षित श्रम वातावरणका कारण कोरिया नेपाली युवाको प्रमुख रोजगारी गन्तव्य बनेको छ। तर सीमित अवसरका लागि यति ठूलो संख्यामा प्रतिस्पर्धा हुनु नेपालको श्रम र शिक्षा नीतिमाथि प्रश्न उठ्ने स्थिति हो। विशेषज्ञहरू भन्छन्, “देशभित्र पर्याप्त रोजगारीको अवसर भए युवाहरू विदेश पलायनमा लाग्दैनन्।” सरकार भने रेमिट्यान्सलाई उपलब्धिको रूपमा देखाउँदै आइरहेको छ।
प्रतिक्रिया