२०८२, १३ भाद्र शनिबार

यी प्रदेशमा भारी वर्षाको सम्भावना, सतर्क रहन आग्रह

यी प्रदेशमा भारी वर्षाको सम्भावना, सतर्क रहन आग्रह


काठमाडौं । देशभर मनसुन सक्रिय रहेका कारण सोमबार कोशी, मधेश, बागमती, गण्डकी र लुम्बिनी प्रदेशका केही भागहरूमा भारी वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार मनसुनको न्यून चापीय रेखा सरदर स्थानको उत्तरतर्फ सरेको छ, जसका कारण वर्षा गराउने प्रणाली नेपालका तराई नजिकै सक्रिय रहेको छ ।

आज बिहान मधेश प्रदेशमा हल्का देखि मध्यम वर्षा भइरहेको छ भने अन्य प्रदेशका तराई भूभागहरूमा पनि पानी परिरहेको छ। दिउँसो देशभर सामान्यदेखि पूर्ण बदली रहनेछ र अधिकांश स्थानहरूमा मेघगर्जन र चट्याङसहित मध्यम वर्षा हुने सम्भावना रहेको महाशाखाले जानकारी दिएको छ ।

भारी वर्षाको उच्च सम्भावना
महाशाखाका अनुसार दिउँसो कोशी, मधेश, बागमती, गण्डकी र लुम्बिनी प्रदेशका एक–दुई स्थानमा भारी वर्षा हुन सक्नेछ। यस्तै, रातिको समयमै पनि कोशी, मधेश, गण्डकी र लुम्बिनी प्रदेशका धेरै स्थानहरूमा मध्यम वर्षा हुने सम्भावना रहेको छ।

साथै, बागमती, गण्डकी र लुम्बिनी प्रदेशका केही स्थानहरूमा राति भारीदेखि धेरै भारी वर्षा पनि हुन सक्ने सम्भावना रहेकोले महाशाखाले सतर्कता अपनाउन आग्रह गरेको छ ।

सावधानी अपनाउन सुझाव
भारी वर्षाले बाढी, पहिरो, भू–स्खलनजस्ता विपद् निम्त्याउन सक्ने भएकाले जोखिमयुक्त क्षेत्रका बासिन्दालाई सतर्क रहन मौसमविद्हरूले सुझाव दिएका छन्। साथै यात्रु, कृषक, तथा निर्माण कार्यमा संलग्न सबै पक्षलाई मौसमअनुसार योजना बनाउन र आवश्यक सुरक्षात्मक उपायहरू अपनाउन आग्रह गरिएको छ।

प्रकाशित मिति : २०८२, १९ श्रावण सोमबार  ९ : ०४ बजे

मर्चवार भयो एमालेमय, समृद्धिको जिम्मा अब एमालेले लिन्छ : अर्थमन्त्री पौडेल

रुपन्देही । नेकपा (एमाले) का उपाध्यक्ष र उपप्रधानमन्त्री विष्णु प्रसाद

पूर्वराष्ट्रपति राष्ट्रको अभिभावक, भावी अध्यक्षमा पनि ओली नै : प्रदीप ज्ञवाली

काठमाडौं । नेकपा एमालेका उपमहासचिव प्रदीप ज्ञवालीले पूर्वराष्ट्रपति विद्यादेवी भण्डारीको

प्रधानमन्त्री ओली र चिनियाँ राष्ट्रपति सीबीच भेटवार्ता, तस्वीरहरू

काठमाडौं । प्रधानमन्त्री केपी शर्मा ओली र चिनियाँ राष्ट्रपति सी

राष्ट्रपति सीसँग लगातार दोस्रो भेटमा खुशी व्यक्त गरे प्रधानमन्त्री ओली

काठमाडौं । प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँग

लिपुलेक विवाद : ओलीले चीनसँग कडा आपत्ति जनाए

काठमाडौं । प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँग