२०८२, १४ भाद्र आईतबार

रास्वपा र राप्रपाको संसद बहिष्कार, सरकारप्रति गम्भीर आरोप

रास्वपा र राप्रपाको संसद बहिष्कार, सरकारप्रति गम्भीर आरोप


काठमाडौं । राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले सोमबारको प्रतिनिधिसभा बैठक बहिष्कार गरेका छन् । सरकार भिजिट भिसा प्रकरण, मानव तस्करी तथा भ्रष्टाचारमा संलग्न मन्त्रीहरूलाई जोगाउन लागि परेको भन्दै दुवै दलका सांसदहरूले संसदमा आक्रोश पोखेका हुन् ।

बैठक सुरु हुनासाथ दुवै दलका सांसदहरू आ–आफ्नो सिटबाट उठेर विरोधमा उभिए। सभामुख देवराज घिमिरेले बोल्न अनुमति दिएपछि रास्वपाका सांसद अशोक कुमार चौधरीले भिजिट भिसाका नाममा भइरहेको मानव तस्करीबारे सरकार बेपरवाह रहेको आरोप लगाए ।

“४७ दिनदेखि हामीले आवाज उठाइरहेका छौँ, तर सरकार मौन छ,” चौधरीले भने, “स्पेन घटनाले देखायो कि यो काण्ड कति गम्भीर छ। घुसको डिल गर्ने र मानव तस्करीमा संलग्न मन्त्रीहरूलाई प्रधानमन्त्री आफैंले जोगाइरहेका छन् ।” उनले त्यस्ता मन्त्रीहरूलाई तत्काल कारबाही गर्न माग गरे ।

उनपछि राप्रपाका सांसद राजेन्द्र लिङ्देनले मन्तव्य राख्दै मानव तस्करी र भ्रष्टाचार सरकारको संरक्षकत्वमा भइरहेको दाबी गरे। “यस्तो अपराध सरकारको संरक्षणबिना सम्भव छैन,” लिङ्देनले भने, “सुशासन आयोग खै? सरकार किन मौन छ?”

लिङ्देनले विपक्षी दलहरूबाट उठाइएका गम्भीर मुद्दाहरूको गलत व्याख्या नगर्न पनि चेतावनी दिए । मन्तव्यपछि दुवै पार्टीका सांसदहरूले सभामुखले विरोधकै बीच संसद चलाएको भन्दै बैठक बहिष्कार गर्दै बाहिरिए ।

रास्वपा र राप्रपाले भिजिट भिसा काण्डको गम्भीर छानबिन गर्न, दोषीमाथि कडा कारबाही गर्न र सरकारको भूमिकाको स्पष्ट जवाफ दिन माग गर्दै संसदमा दबाबमूलक रणनीति अपनाइरहेका छन् ।

Ask ChatGPT

प्रकाशित मिति : २०८२, ३० असार सोमबार  १ : ५२ बजे

मर्चवार भयो एमालेमय, समृद्धिको जिम्मा अब एमालेले लिन्छ : अर्थमन्त्री पौडेल

रुपन्देही । नेकपा (एमाले) का उपाध्यक्ष र उपप्रधानमन्त्री विष्णु प्रसाद

पूर्वराष्ट्रपति राष्ट्रको अभिभावक, भावी अध्यक्षमा पनि ओली नै : प्रदीप ज्ञवाली

काठमाडौं । नेकपा एमालेका उपमहासचिव प्रदीप ज्ञवालीले पूर्वराष्ट्रपति विद्यादेवी भण्डारीको

प्रधानमन्त्री ओली र चिनियाँ राष्ट्रपति सीबीच भेटवार्ता, तस्वीरहरू

काठमाडौं । प्रधानमन्त्री केपी शर्मा ओली र चिनियाँ राष्ट्रपति सी

राष्ट्रपति सीसँग लगातार दोस्रो भेटमा खुशी व्यक्त गरे प्रधानमन्त्री ओली

काठमाडौं । प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँग

लिपुलेक विवाद : ओलीले चीनसँग कडा आपत्ति जनाए

काठमाडौं । प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँग