काभ्रे २२ असोज : जिल्ला प्रहरी कार्यालय काभ्रेले सोमबार पत्रकार सम्मेलन गरी आफैले पढाएका नौ बर्षीया दुई बालिकालाई जवरजस्ती करणी गर्ने शिक्षकलाई सार्वजनिक गरेको छ ।

जिल्लाको बेथानचोक गाउँपालिका–४ मा रहेको कालिका माध्यामिक विद्यालयमा सामाजिक र नैतिक शिक्षा पढाउने ३१ वर्षका बलत्कारी शिक्षक शंकर पहरीलाई सार्वजनिक गरिएको हो ।

विद्यालयमा शिक्षक पहरीले दैनिक नैतिकता र चरित्रका कुरा सिकाउँदै आइरहेका थिए । नैतिक शिक्षा सिकाउने शिक्षकले नै आफ्नै विद्यार्थीलाई जवरजस्ती करणी गर्दै आएको उजुरी परेपछि प्रहरीले पक्राउ गरेको जिल्ला प्रहरी कार्यालयका एसपी रविराज खड्काले बताए ।

खड्काका अनुसार बलत्कारी शिक्षकलाई पक्राउ गरे लगत्तै असोज १८ गते अनुसन्धानका लागि जिल्ला अदालतबाट ७ दिनको म्याद थपी अनुसन्धान शुरु गरिएको छ ।