धुलिखेल, ३१ भदौः काभ्रेमा आज एकैदिन २० जना कोरोना संक्रमित थपिएका छन् । स्वास्थ्य कार्यालय काभ्रेले उपलब्ध गराएको विवरण अनुसार २० जना कोरोना संक्रमित थपिएका हुन् ।

आज थपिएकामा सबैभन्दा बढी बनेपामा ५ जना पुरुष र ६ जना महिला गरी ११ जना कोरोना संक्रमित थपिएका छन् । त्यस्तै धुलिखेल नगरपालिकामा ३ जना पुरुष र २ जना महिलामा कोरोना देखिएको छ । त्यसैगरी चौरीदेउराली र रोशी गाउँपालिकामा १÷१ जना पुरुष तथा पनौती नगरपालिकामा १ जना महिला र मण्डनदेउपुर नगरपालिकाका १ जना पुरुषमा कोरोना पुष्टि भएको हो ।

यो सँगै जिल्लामा कोरोना संक्रमितको संख्या ४३९ पुगेको छ । २८३ जना निको भएर घर फर्किएका छन् । ९५ जना अस्पतालको आइसोलेसनमा रहेका छन् भने ५८ जना होम आइसोलेसनमा रहेका छन् । काभ्रेमा कोरोना संक्रमणबाट मृत्यु हुनेको संख्या ४ पुगेको छ । दुई जना महिला र दुई जना पुरुषको कोरोना संक्रमणबाट मृत्यु भएको जिल्ला स्वास्थ्य कार्यालय काभ्रेका प्रमुख डाक्टर, नरेन्द्र कुमार झाले जानकारी दिनुभयो ।