धुलिखेल, १६ साउनः नेपाली सेनाको विष्णु दल गण धुलिखेलले तेमालमा गुप्तेश्वर महादेव मन्दिर र झरना पुग्ने बाटो निर्माण गरेको छ । नेपाली सेनाको सामाजिक, आर्थिक, पूर्वाधार विकास कार्यक्रम तेमाल गाउँपालिकाको वडा नम्वर ७ मा रहेको गुप्तेश्वर महादेव मन्दिर क्षेत्र परिसरमा सेनाले पूर्वाधार विकासको काम गरेको हो ।

सेनाले ३ किमी सडकमा साईकल लेन निर्माण गरेको छ । त्यस्तै ढुंगा विछ्याउने, सिंढी बनाउने, रेलिङ्ग राख्ने सोलार बत्ति जडान गरिएको गरिएको विष्णु दल गण धुलिखेलका गणपति कर्णेल सुबास खड्काले जानकारी दिनुभयो ।

सेनाले निर्माण पुरा गरेको पूर्वाधार शुक्रबार एक कार्यक्रमको आयोजना गरी गाउँपालिकालाई हस्तान्तरण गरिएको छ । नेपाली सेनाक मध्यपुर्वी पृतनाका पृतनापति उपरथी सुरेशकुमार कार्कीले गाउँपालिकाका अध्यक्ष सलामसिं लामालाई निर्माण गरिएका पूर्वाधारहरु रेखदेख र ब्यवस्थापन गर्ने गरी हस्तान्तरण गर्नु भएको हो ।

महादेव मन्दिर क्षेत्रको पूर्वाधारण निर्माणमा १७ लाख ६४ हजार ८ सय रुपैँया खर्च भएको विष्णु दल गण धुलिखेलका गणपति कर्णेल सुबास खड्काले बताउनुभयो ।