धुलिखेल, १५ साउनः काभे्रको नमोबुद्ध नगरपालिकाको अधिकाँश ग्रामीण सडकहरु अबरुद्ध भएका छन् । ठाँउ ठाँउमा खसेको पहिरोका कारण सडकहरु अबरुद्ध भएको नगरपालिकाका योजना शाखा प्रमुख उज्वल अधिकारीले जानकारी दिनुभयो ।

सडकमा खसेको पहिरो नगरपालिकाको जेसीभि र ट्रिपरहरु मार्फत हटाउने काम भईरहेको छ । एक्लेखेत–भलुखर्क हुदै–एक नम्बर पुल जोड्ने सडक ठाँउ ठाँउमा अबरुद्ध भएको छ । नगरपालिका हुदै तिमाल जोड्ने सडकमा गा्रभेलको काम सुरु गरिएको योजना शाखा प्रमुख अधिकारीले जानकारी बताउनुभयो ।

यस्तै काभ्रे भञ्याङ–श्यापाटी–दाप्चा हुदै पिपलटार जाने सडकको बिभिन्न ठाँउमा पहिरो खस्ने र केही ठाँउमा सडक भासीएको छ । भासीएको ठाँउमा ग्याबीन वाल लगाउनको लागी तयारी भईरहेको नगरपालिकाले जनाएको छ । अधिकाँश नयाँ निमार्ण गरिएका सडकहरुमा पहिरो खसेर अबरुद्ध भएको हो ।