धुलिखेल, १५ साउनः काभ्रेको धुलिखेल नगरपालिकाले यो वर्षकोे गाई जात्रा पर्व तथा हिले जात्रा भेला भएर नगर्न आग्रह गरेको छ । जात्रा गर्दा मानीसको भिडभाड हुने र कोरोना भाईरसको संक्रमण हुन सक्ने सम्भावना भएकाले गाई जात्रा पर्व तथा हिले जात्रा भेला भएर नगर्न अनुरोध गरिएको नगरपालिकाका प्रमुख अशोक कुमार ब्याञ्जुले जानकारी दिनुभयो ।

परम्परागत रुपमा पहिले देखी मनाउदै आएको गाई जात्रा पर्व तथा हिले जात्रा भेला भएर नमनाए पनी आफ्नो–आफ्नो परिवारमा सामाजिक दुरी कायम राखी मनाउन सकिने नगर प्रमुख ब्यञ्जुले जानकारी दिनुभयो । यो वर्षको गाई जात्रा पर्व साउन २० गते परेको छ ।

गाई जात्राका दिन नेवारी समुदायमा हरेक घर बाट मृत्यृ भएकाहरुको फोटो राखी प्रदर्शन गर्ने, लाखे नाच्ने गरिन्छ ।