धुलिखेल, २ साउनः सिन्धुपाल्चोक जिल्लाको भोटेकोशी गाउँपालिका वडा नम्बर ४ फुल्पिङ गाँऊको पहिरोमा बेपत्ता भएको थप एक जनाको शव फेला परेको छ । शुक्रबार राति आएको पहिरोले दुई घरमा क्षति पुगेको थियो ।
पहिरोमा ५ जना बेपत्ता भएका थिए । त्यसमध्ये २ जनाको शव हिजो नै फेला परेको थियो । हिजो १६ बर्षीय याङ्जी शेर्पा र ३५ बर्षीय निमासाङ्बो शेर्पाको शव फेला परेको थियो ।
पहिरोमा ४ बर्षीय सोमबुटी शेर्पा, १२ बर्षीय छिरिङ शेर्पा, र ४ बर्षीय सेमसाङ शेर्पा हराइरहेका थिए । अन्य बेपत्ताहरुको खोजीमा स्थानीय, नेपाली सेना, नेपाल प्रहरी र सशस्त्र प्रहरीले गरिरहेका छन् ।
प्रतिक्रिया