धुलिखेल, २९ असारः सिन्धुपाल्चोक जिल्लाको लिसंखु पाखर गाउँपालिकाले पालिकाभित्र अपाङ्गता भएका ब्यक्तिलाई बिउ पूँजी प्रदान गरेको छ । २५ जना अपाङ्गता भएका ब्यक्तिलाई १० हजारका दरले बिउ पूँजी उपलब्ध गराइएको पालिकाले जनाएको छ । सबै प्रकारका अपांगता भएका व्यक्तिहरुलाई शिक्षा, स्वास्थ्य, आय आर्जन, सिप विकासमा समान पहुँच पुर्याई समुदायमा व्यवस्थित एवं सम्मानपूर्वक पुनर्स्थापना गर्न बिउ पुँजी प्रदान गरिएको पालिका उपाध्यक्ष हेमगंगा मोक्तानले बताउनुभयो ।

प्रदेश सरकारको सशर्त अनुदान तर्फको अपाङ्गता भएका ब्यक्तिहरुका लागि समुदायमा आधारित पुनस्र्थापना कार्यक्रम अन्तर्गत अभिमुखिकरण तथा अन्र्तक्रिया कार्यक्रम समेत गरेको छ । कार्यक्रममा गाउँपालिकाभित्रका अपाङगता भएका ब्यक्तिहरु, गाउँपालिकाका अध्यक्ष कमल प्रसाद नेपाल र अपाङ्ग परिचय पत्र वितरण समितिको संयोजक एवं उपाध्यक्ष हेमगंगा मोक्तान पालिका स्तरीय अपाङ्ग समन्वय समितिका पदाधिकारी, विषयगत शाखा प्रतिनिधिहरु सहभागि भएका थिए ।