धुलिखेल, १ असारः काभ्रेको तेमाल गाउँपालिकाले योजनाको भुक्तानी दिन बार तोकेको छ । वडा स्तरीय योजनाहरुको भुक्तानी दिन बार निर्धारण गरिएको प्रमुख प्रशासकीय अधिकृत लक्ष्मण कुईकेलले जानकारी दिए ।
भोलीबाट भुक्तानीका लागि बार लागु हुनेछ । आइतबार र सोमबार १, २ र ३ नम्बर वडामा सकिएका योजनाको भुक्तानी हुनेछ । त्यस्तै ४, ५ र ६ नम्बर वडाका लागि मंगलबार र बुधबार समय तोकिएको छ ।
७, ८ र ९ नम्बर वडाका लागि बिहिबार र शुक्रबार समय निर्धारण गरिएको छ । भुक्तानी प्रक्रियालाई सहज र भिडभाड रहित बनाउन यस्तो निर्णय गरिएको प्रमुख प्रशासकीय अधिकृत कुईकेलले बताए ।
प्रतिक्रिया