लहान, १ भदौ: प्रतिबन्धित लागुऔषध खरिदबिक्री गरिरहेका अवस्थामा प्रहरीले सिरहाको लहान नगरपालिका–१३ स्थित बस्तीपुरबाट चार युवालाई पक्राउ गरेको छ । लहान नगरपालिका–१३ बस्तीपुरस्थित आँप बगँैचामा झुपडी बनाई लागुऔषध बेचबिखन गरिरहेको अवस्थामा लहान नगरपालिका–११ निवासी १८ वर्षीय विक्रमकुमार सदाय, लहान नगरपालिका–१३ निवासी २६ वर्षीय नन्दकुमार महतो तथा १९ वर्षीय दिलीपकुमार सदाय र धनगढी नगरपालिका–११ निवासी १९ वर्षीय सुरजकुमार सदायलाई पक्राउ गरिएको प्रहरीले आज जनाएको छ ।

पक्राउ परेकाहरुको साथबाट खरिद बिक्रीका लागि राखिएको फेनारगन २९३ एम्पुल, लुपिजेसिक २९३ एम्पुल, डाइजेल्याब २९३ एम्पुल र ना३२प ७३०६ र स६प ४२३ नम्बरको २ वटा मोटरसाइकलसमेत बरामद भएको जिल्ला प्रहरी कार्यालय सिरहाले जनाएको छ । पक्राउ परेकाहरुमाथि आवश्यक अनुसन्धान भइरहेको प्रहरीले जनाएको छ ।