धुलिखेल, ९ चैत : काभ्रेको पनौती नगरपालिकाले कोरोना भाइर विपद् ब्यवस्थापन कोषमा ३५ लाख रुपैयाँको राखेको छ । नगरप्रमुख भिमप्रसाद न्यौपानेको अध्यक्षतामा आइतबार बसेको बैठकले यस्तो निर्णय गरेको बरिष्ठ प्रशासकीय अधिकृत इन्द्र अधिकारीले जानकारी दिए ।

बैठकले खुल्ला क्षेत्र तर्फ पालिकाको वडा नम्बर ५ मा रहेको छाला कारखाना र शिखरप्लाई कारखाना क्षेत्रलाई क्वारेन्टाइनका लागि तोकेको छ । त्यस्तै वडा नम्बर ७ मा निर्माणधिन क्षेत्रिय रंगशालाई पनि क्वारेन्टाइनका लागि तोकिएको अधिकारीले जानकारी दिए ।

बैठकले भवन तर्फ इन्द्रेश्वर र तेजगंगा बहुमुखि क्यम्पसलाई क्वारेन्टाइनका लागि तोकेको छ । त्यसैगरी कुशादेवी क्यम्पसलाई पनि क्वारेन्टाइनका लागि तोकेको बरिष्ठ प्रशासकीय अधिकृत अधिकारीले जानकारी दिए ।

बैठकले सबै वडामा रहेको विपद् ब्यवस्थापन समितिलाई सक्रिय बनाइ सबै नागरिकको निगरानी राख्न निर्देशन पनि दिएको छ ।