धुलिखेल, ६ फागुनः अब देखि काभ्रे जिल्लाका सरकारी कार्यालयहरुमा हात धोएर मात्रै प्रवेश गर्न पाइने भएको छ । कोरोना भाइरसको संक्रमण रोकथामका लागि यस्तो निर्णय गरिएको प्रमुख जिल्ला अधिकारी श्रवण कुमार तिमिल्सिनाले जानकरी दिए ।

प्रमुख जिल्ला अधिकारी तिमिल्सिनाको अध्यक्षतामा आज धुलिखेलमा बसेको कोभिड–१९ को विपद सम्बन्धी बैठकले ९ वटा निर्णय गरेको छ । बैठकले ग्यास, खाद्य सामग्री, औषधिको कृतिम अभाव र कालोबजारी हुन नदिन नियमित बजार अनुगमन गर्ने जनाएको छ । बैठकले कोभिड–१९ सम्बन्धी तत्कालन उद्दार समुह (क्यूआरटी) को ब्यवस्था मिलाउने पनि निर्णय गरेको छ ।

त्यस्तै जिल्ला भरको स्वास्थ्य कर्मीलाई अत्यावशयक काम बाहेक बिदामा बस्न नदिने पनि निर्णय गरेको छ । बैठकले १३ वटै स्थानीय तहरुलाई क्वारेन्टाइन र खुल्ला क्षेत्र तत्काल तोक्न पनि भनेको छ । बैठकले सीट क्षमता भन्दा बढी यात्रुहरु ओसारपसार गर्न नदिन जिल्ला प्रहरी कार्यालयको कार्यालयले निर्देशन दिएको छ ।