धुलिखेल, ६ फागुनः काभ्रेको रोशी गाउँपलिकामा मेलमीलापकर्ताहरुलाई अभ्यास आदानप्रदान कार्यक्रम सम्पन्न भएको छ । कार्यक्रम रोशी गाउँपालिकाका उपाध्यक्ष लक्ष्मी बर्तौलाको अध्यक्षतामा भएको हो । कार्यक्रममा गाउँपालिकाभित्र रहेका १ देखि १२ वडामा कार्यरत मेलमिलापकर्तालाई र न्यायिक समितिका सदस्यहरुका बीचमा अनुभवको आदानप्रदान भएको थियो ।

कार्यक्रममा गाउँपालिकाका उपाध्यक्ष लक्ष्मी वर्तौलाले न्याय सम्पादनमा देखा परेको समस्या र मेलमिलापकर्ताहरुले अबलम्बन गर्नुपर्ने कामका बारेमा बताए । कार्यक्रम प्राकृतिक श्रोत तथा द्वन्द रुपान्तरण केन्द्र नेपालको आयोजना तथा रोशी गाउँपालिकाको समन्वयमा भएको हो ।

कार्यक्रममा ३४ जना मेलमिलापकर्ता र न्यायिक समितिका सदस्यहरुले सहभागीता जनाएका थिए । गाउँपालिकाका प्रमुख प्रशासकीय अधिकृत डम्बरु दाहालले कार्यक्रम प्रभावकारी भएको र यसका लागि न्यायिक समिति र मेलमिलापकर्ताबीचको आपसी सहकार्यको जरुरी भएको बताए । कार्यक्रमको सहजीकरण काभ्रेका सहजकर्ता सञ्जय न्यौपाने र गीता सिलवालले गर्नुभएको जिल्ला परियोजना संयोजक उमा थापाले बताइ ।