धुलिखेल, १ माघः काभ्रे प्रहरीले सार्वजनिक यातायातमा युवती बलात्कारको आरोपमा एक युवालाई पक्राउ गरेको छ । २१ वर्षीय युवतीलाई बलात्कार गरेको आरोपमा ताप्लेजुङ जिल्ला सिदिङ्वा गाउँपालिकाको वडा नं ४ का लक्ष्मण लिम्बुलाई पक्राउ गरिएको जिल्ला प्रहरी कार्यालय काभ्रेका डिएसपी दिपक गिरीले जानकारी दिए ।

पीडित युवतीले झापा जिल्लाको दमकबाट काठमाडौं आउदै गरेको बा ३ च ३३१४ नम्बरको टाटासुमो गाडीमा आफ्नो सम्वेदनशील अंगमा छुदै पटक–पटक बलात्कार गर्ने प्रयास गरेको भन्दै जिल्ला प्रहरी कार्यालय काभ्रेमा मंगलबार (हिजो) दिएको उजुरी आधारमा जिल्ला प्रहरी कार्यालयले लिम्बुलाई गरिफ्तार गरेको डिएसपी गिरीले बताए ।

आरोपित लिम्बुलाई प्रहरीले हिजो नै गिरफ्तार गरेको हो । प्रहरीले पक्राउ परेका लिम्बुलाई जिल्ला अदालतबाट चार दिनको म्याद थप गरी अनुसन्धन अघि बढाइएको डिएसपी गिरीले जानकारी दिए ।

पीडित यूवतीको स्वास्थ्य परीक्षण धुलिखेल अस्पतालमा मंगलबार नै गरिएको प्रहरीले जनाएको छ ।