धुलिखेल २३ पुस: काभ्रेको पाँचखाल नगरपालिकाले सबै वडामा योजना कार्यान्वयनका लागि ताकेता गरेको छ । नगरपालिकाका निमित्त प्रमुख प्रशासकीय अधिकृत दीनानाथ पन्थीले सबै वडालाई पत्र लेख्दै योजना कार्यान्वयन गर्न ताकेता गरेका हुन ।

नगरपालिकाले यहि पुस मसान्तभित्र वडा स्तरमा सञ्चालन हुने योजना र कार्यक्रम सम्झौताका लागि सिफारिस पठाउन वडा कार्यालयहरुलाई निर्देशन दिएको छ । आर्थिक वर्ष २०७६÷७७ का लागि स्वीकृत योजना र कार्यक्रम सम्झौता गरी पठाउन नगरपालिकाले भनेको हो ।

सम्झौता गरेर सम्पन्न गर्न नसकिने योजनाहरु भए हटाउन र संशोधनका लागि वडा समितिले गरेको निर्णय समेत पठाउन नगरपालिकाले भनेको छ । चालु आर्थिक वर्षमा नगरपालिकाले ४ सय वटा योजना तथा कार्यक्रमका लागि बजेट विनियोजन गरेको कार्यबाहक नगरप्रमूख सञ्जय लामाले बताए ।