काठमाडौं । नोभेम्बर २१ अर्थात् विश्व टेलिभिजन दिवस आज विभिन्न कार्यक्रम आयोजना गरी मनाइएको छ। सूचना, सञ्चार, शिक्षा र मनोरञ्जनका क्षेत्रमा टेलिभिजनको योगदान तथा प्रभावकारिताबारे जनचेतना अभिवृद्धि गर्ने उद्देश्यले यो दिवस मनाइएको हो।
संयुक्त राष्ट्रसङ्घको महासभाले सन् १९९६ डिसेम्बर १७ मा प्रस्ताव पारित गर्दै नोभेम्बर २१ लाई विश्व टेलिभिजन दिवसका रूपमा घोषणा गरेको थियो।
टेलिभिजनले सूचना तथा समाचार सम्प्रेषण, जनमत निर्माण, सामाजिक चेतना अभिवृद्धि र विश्व समुदायलाई जोड्न महत्त्वपूर्ण भूमिका निर्वाह गर्दै आएको छ।
डिजिटल प्रविधि र सामाजिक सञ्जालको तीव्र विस्तारका बाबजुद विश्वसनीय सूचना प्रवाह र दृश्य पत्रकारिताको सशक्त माध्यमका रूपमा टेलिभिजनको महत्त्व अझै कायम रहेको छ।
यस दिवसले सञ्चार क्षेत्रमा टेलिभिजनको योगदानसँगै जिम्मेवार, निष्पक्ष र विश्वसनीय पत्रकारिताको आवश्यकतालाई समेत उजागर गरेको छ।







प्रतिक्रिया