हेटौंडा । मकवानपुरको इन्द्रसरोवर गाउँपालिका-५ मा भारी वर्षापछि खसेको ठूलो पहिरोले कुलेखानी–फाखेल सडकखण्ड पूर्ण रूपमा अवरुद्ध भएको छ। अविरल वर्षाका कारण सडक बन्द हुँदा यातायात सम्पूर्णरूपमा प्रभावित भएको छ।
प्रहरीका अनुसार काठमाडौंतर्फ जाँदै गरेका सवारी साधनलाई कलंकी र सिमखोला क्षेत्रमा रोकिएको छ। तत्काल वैकल्पिक व्यवस्था नभएको र सडक खुलेपछि मात्रै सवारी चल्ने जनाइएको छ। प्रशासनले तीन दिनसम्म अत्यावश्यक बाहेक सबै सवारी रोक लगाएको छ। लगातारको वर्षाले अन्य ठाउँमा पनि पहिरोको जोखिम उच्च रहेको बताइएको छ ।
प्रतिक्रिया