काठमाडौं । मन्त्रिपरिषद्को आकस्मिक बैठक आज दिउँसो १ बजे बस्ने भएको छ। मन्त्रिपरिषद् को बैठक प्रधानमन्त्री तथा मन्त्रिपरिषद्को कार्यालय को आह्वानमा बोलाइएको हो।

सरकारका अनुसार बैठक आकस्मिक रूपमा राखिएको भए पनि यसको एजेण्डा भने हालसम्म सार्वजनिक गरिएको छैन। समसामयिक राजनीतिक, प्रशासनिक वा आपतकालीन विषयमा छलफल हुने अनुमान गरिएको छ।

यसैबीच, सुधन गुरुङ बिहान काभ्रेको रोशी खोला क्षेत्रको भ्रमणमा जाने तयारीमा थिए। तर बैठक आकस्मिक रूपमा बोलाइएपछि उनी उक्त कार्यक्रम स्थगित गर्दै बैठकमा सहभागी हुने भएका छन्। बैठक सम्पन्न भएपछि मात्रै उनी काभ्रे जाने जानकारी दिइएको छ। सरकारले आकस्मिक बैठक बोलाउनुको कारणबारे भने औपचारिक जानकारी आउन बाँकी छ।