२०८२, १४ भाद्र आईतबार

बंगलादेशमा आगामी फेब्रुअरीमा आमचुनाव हुने संकेत

बंगलादेशमा आगामी फेब्रुअरीमा आमचुनाव हुने संकेत


काठमाडौं । बंगलादेशको अन्तरिम सरकार प्रमुख मोहम्मद युनुसले आगामी वर्षको फेब्रुअरीमा आमचुनाव गराउने संकेत दिएका छन्। मंगलबार राष्ट्रलाई सम्बोधन गर्दै उनले देशमा लोकतान्त्रिक प्रक्रिया पुनः स्थापना गर्न फेब्रुअरीमा चुनाव गराउने तयारी भइरहेको बताएका हुन्।

बीबीसीका अनुसार, युनुसले मुख्य निर्वाचन आयुक्तलाई पत्र लेखेर आगामी वर्षको रमजान अघि आमचुनाव गराउन आग्रह गर्ने बताएका छन्। उनका अनुसार, निर्वाचन प्रक्रिया सुरक्षीत र निष्पक्ष बनाउनेतर्फ सरकारले आवश्यक तयारी थालिसकेको छ।

यो घोषणा शेख हसिनाको नेतृत्वमा रहेको सरकार पतन भएको एक वर्ष पुगेको सन्दर्भमा आएको हो। सन् २०२४ को अगस्ट ५ मा देशभर फैलिएको विद्यार्थी आन्दोलनपछि तत्कालीन प्रधानमन्त्री शेख हसिनाले राजीनामा दिएकी थिइन्। त्यसयता अन्तरिम सरकारको नेतृत्व मोहम्मद युनुसले गर्दै आएका छन् ।

सरकार पतन भएको एक वर्ष पुगेको अवसरमा देशभर हजारौं नागरिकले राजधानी ढाका लगायतका प्रमुख शहरहरूमा जुलुस र प्रदर्शन गरेका छन्। उनीहरूले लोकतन्त्र र निष्पक्ष निर्वाचनको माग गर्दै नाराबाजीसमेत गरेका छन् ।

राजनीतिक विश्लेषकहरूका अनुसार फेब्रुअरीमा चुनाव गराउने संकेतले बंगलादेशको अस्थिर राजनीतिक अवस्थालाई केही हदसम्म स्थायित्व दिने अपेक्षा गरिएको छ। यद्यपि चुनावको मिति र प्रक्रियाबारे अझै स्पष्ट निर्णय आउन बाँकी छ ।

प्रकाशित मिति : २०८२, २१ श्रावण बुधबार  ८ : २८ बजे

सिन्धुलीमा छोराबाट आमाको निर्मम हत्या

सिन्धुली । सिन्धुलीको दुधौली–१४ भौडीमा छोराले खन्ती प्रहार गरी आमाको

प्रधानमन्त्री ओली र भियतनामी समकक्षी चिङबीच थियानजिनमा भेटवार्ता

काठमाडौं । प्रधानमन्त्री केपी शर्मा ओली र भियतनामका प्रधानमन्त्री फाम

सरकार लगानीको वातावरण सिर्जना गर्न प्रतिबद्ध : उपप्रधानमन्त्री तथा अर्थमन्त्री विष्णुप्रसाद पौडेल

काठमाडौं । नेपाल सरकारका उपप्रधानमन्त्री तथा अर्थमन्त्री विष्णुप्रसाद पौडेलले मुलुकमा

पहिरोले कर्णाली राजमार्ग र देहिमाडौं–गिरेगडा सडक अवरुद्ध

जुम्ला । शनिबार राति परेको अविरल वर्षापछि कर्णाली राजमार्ग अन्तर्गत

एमाले नेतृ नविना लामालाई पितृशोक, पूर्व गाविस अध्यक्ष माणिक लामाको निधन

काठमाडौं । नेकपा एमाले केन्द्रीय सदस्य तथा प्रतिनिधिसभाकी पूर्व सदस्य