२०८२, २० श्रावण मंगलबार

ओली नेतृत्वको सरकारको एक वर्ष: प्रधानमन्त्रीद्वारा नतिजामुखी अभ्यासको सुरुवात भएको दाबी

ओली नेतृत्वको सरकारको एक वर्ष: प्रधानमन्त्रीद्वारा नतिजामुखी अभ्यासको सुरुवात भएको दाबी


काठमाडौं । प्रधानमन्त्री केपी शर्मा ओलीले आफ्नो नेतृत्वमा गठन भएको सरकारको एक वर्ष पूरा भएको अवसरमा सरकारको काम, उपलब्धि र भावी योजनाबारे सामाजिक सञ्जालमार्फत सार्वजनिक टिप्पणी गरेका छन्।

सोमबार बिहान आफ्नै आधिकारिक फेसबुकमार्फत प्रधानमन्त्री ओलीले आर्थिक सूचकाङ्कहरू सकारात्मक दिशातर्फ गइरहेका छन् भन्दै देशको समग्र आर्थिक र विकास प्रक्रियामा नयाँ गतिशीलता आएको दाबी गरेका हुन् । उहाँका अनुसार राष्ट्रिय गौरवका आयोजनाहरूमा कामको गति बढेको छ र अब सरकार टाइमलाइन तोकेर नतिजा खोज्ने दिशामा अघि बढेको छ।

“हामी सरकारमा आएको एक वर्ष पुग्दै छ, यसबीचमा मुलुकको आर्थिक सूचकाङ्कहरू सकारात्मक देखिएका छन् भने विकासका राष्ट्रिय आयोजनाहरूको कामले गति लिएको छ,” ओलीले भनेका छन्, “टाइमलाइन तोकेर काम गर्ने र नतिजा खोज्ने प्रचलन यसअघि थिएन, अहिले त्यो सुरुवात भएको छ ।”

प्रधानमन्त्रीले प्रशासनिक सुधार र सेवा प्रवाहमा भएको प्रगति उल्लेख गर्दै नागरिकलाई सरल, छरितो र प्रविधिमैत्री सेवामा पहुँच पुर्‍याउन महत्वपूर्ण कानुनी सुधारहरू गरिएको जानकारी दिएका छन्। उहाँले भनिरहेका छन्, “नागरिकको सेवा प्रवाहमा सरलता ल्याउन महत्त्वपूर्ण कानुनहरू संशोधन भएका छन् र तिनले क्रमैसँग लाइन होइन, अनलाइनबाट काम गर्ने प्रचलन बढ्दै छ।”

उहाँले देशको वर्तमान अवस्था अझै चुनौतीपूर्ण रहेको र सरकारका सामु धेरै जिम्मेवारी बाँकी रहेको स्वीकार्दै, बाँकी कार्यहरूमा सरकार पूर्णतः केन्द्रित रहेको उल्लेख गरेका छन्।

प्रधानमन्त्री ओलीको भनाइले सरकार एक वर्षको कार्यकालमा पूर्वाधार विकास, सुशासन, प्रविधिको प्रयोग र सेवा वितरण सुधारतर्फ केन्द्रित रहेको सन्देश दिन खोजेको देखिन्छ। तथापि, राजनीतिक स्थायित्व, भ्रष्टाचार नियन्त्रण, बेरोजगारी न्यूनीकरण, तथा समावेशीताका सवालहरूमा आम जनअपेक्षा अझै उच्च नै रहेको विश्लेषकहरूको बुझाइ छ।

यस सन्दर्भमा ओली नेतृत्वको सरकारको आगामी रणनीति र कार्यसम्पादनले सरकारको प्रभावकारिता र जनसमर्थन कति कायम रहन्छ भन्ने प्रश्नले थप चासो पाउने निश्चित छ।

प्रकाशित मिति : २०८२, ३० असार सोमबार  २ : ५२ बजे

एमाले विधान महाधिवेशन विचार, संगठन र कार्यदिशाको नयाँ जग हो : महासचिव पोखरले

काठमाडौँ । नेकपा (एमाले) का महासचिव शंकर पोखरेलले पार्टीको आसन्न

नेपाललाई भूजडित बनाउने लक्ष्यस् ओलीले भारत–चीनसँग सहकार्यको खाका कोरे

आवाजा । प्रधानमन्त्री केपी शर्मा ओलीले नेपाललाई भूपरिवेष्टित अवस्थाबाट भूजडित

बागमतीका नवनियुक्त मुख्यमन्त्री बानियाँसहित ८ मन्त्रीले लिए शपथ

मकवानपुर । बागमती प्रदेशमा नेपाली कांग्रेसका नेता इन्द्रबहादुर बानियाँले आज

बागमतीमा एमालेले टुंग्यायो मन्त्रीको सूची, बानियाँ नेतृत्वको सरकारमा पाँच नयाँ अनुहार

हेटौंडा । बागमती प्रदेशमा कांग्रेस नेता इन्द्रबहादुर बानियाँको नेतृत्वमा बन्न

प्रधानमन्त्री ओलीको सहभागितामा एलएलडिसी सम्मेलन सुरु

काठमाडौं । तुर्कमेनिस्तानको अवाजा सहरमा आयोजित भूपरिवेष्ठित विकासशील राष्ट्रहरूको तेस्रो