२०८२, १४ भाद्र आईतबार

प्रधानमन्त्री ओलीद्वारा माई नगर अस्पताल उद्घाटन, २४ घण्टा सेवा सुरु

प्रधानमन्त्री ओलीद्वारा माई नगर अस्पताल उद्घाटन, २४ घण्टा सेवा सुरु


इलाम । प्रधानमन्त्री केपी शर्मा ओलीले शनिबार इलामको माई नगरपालिकामा ‘माई नगर अस्पताल’को उद्घाटन गरेका छन् । माई नगरपालिका–२ दानाबारीमा निर्माण गरिएको सो अस्पताल १५ शय्याको सुविधासम्पन्न अस्पताल हो ।

संघीय सरकारको सहयोगमा आर्थिक वर्ष २०७७/०७८ देखि निर्माण सुरु भएको अस्पतालमा कुल १० करोड ७० लाख २४ हजार रुपैयाँ खर्च भएको नगर प्रमुख खम्बासिंह लिम्बूले जानकारी दिए । साढे १० रोपनी क्षेत्रफलमा पार्किङसहित दुईतले भवन निर्माण गरिएको छ। नवीनतम संरचनासहितको अस्पताल शनिबारदेखि नै सेवा सञ्चालनमा आएको छ । माई नगर स्वास्थ्य शाखाका प्रमुख पुष्कर कट्टेलका अनुसार अस्पतालले २४ सै घण्टा सेवा दिने व्यवस्था मिलाइएको छ। अस्पतालमा आकस्मिक सेवा, आधारभूत प्रयोगशाला, एक्स–रे, भिडियो एक्स–रे, ईसीजी, फार्मेसीलगायत सेवा उपलब्ध छन्।

अस्पतालमा स्वास्थ्य बिमा कार्यक्रम पनि लागू गरिएको छ । नगर प्रमुख लिम्बूका अनुसार स्थानीयवासीको आधारभूत उपचार नगरभित्रै सुनिश्चित गर्न र जटिल प्रकृतिका बिरामीलाई आवश्यक परेमा अन्य सुविधासम्पन्न अस्पतालमा रेफर गर्न सकिने व्यवस्था मिलाइएको छ । नवनिर्मित अस्पताल सञ्चालनमा आएपछि माई नगरवासीले घरआँगनमै गुणस्तरीय स्वास्थ्य सेवा पाउने अपेक्षा गरिएको छ।

प्रकाशित मिति : २०८२, २८ असार शनिबार  ५ : २५ बजे

प्रधानमन्त्री ओली र मोदीबीच चीनमा भेटवार्ता

काठमाडौं । प्रधानमन्त्री केपी शर्मा ओली र भारतीय प्रधानमन्त्री नरेन्द्र

कानुनी संरचना र लगानीको अभावले पुस्तकालयहरू पूर्ण क्षमतामा सञ्चालन हुन सकेनन् : मन्त्री गुरु

काठमाडौं । सञ्चार तथा सूचना प्रविधि मन्त्री पृथ्वी सुब्बा गुरुङले

सिन्धुलीमा छोराबाट आमाको निर्मम हत्या

सिन्धुली । सिन्धुलीको दुधौली–१४ भौडीमा छोराले खन्ती प्रहार गरी आमाको

प्रधानमन्त्री ओली र भियतनामी समकक्षी चिङबीच थियानजिनमा भेटवार्ता

काठमाडौं । प्रधानमन्त्री केपी शर्मा ओली र भियतनामका प्रधानमन्त्री फाम

सरकार लगानीको वातावरण सिर्जना गर्न प्रतिबद्ध : उपप्रधानमन्त्री तथा अर्थमन्त्री विष्णुप्रसाद पौडेल

काठमाडौं । नेपाल सरकारका उपप्रधानमन्त्री तथा अर्थमन्त्री विष्णुप्रसाद पौडेलले मुलुकमा