काठमाडौंनेकपा एमाले बागमती प्रदेशमा लगातारको वर्षाका कारणले आएको वाढी तथा पहिरोमा परेर जनधनको क्षति भएको प्रति दुःख व्यक्तगर्दै पार्टी कार्यकर्ताहरुलाई उद्धार तथा राहतमा लाग्न अपील गरेको छ ।
अविरल वर्षाका कारण बागमती प्रदेश सबैभन्दा बढी प्रभावित भएपछि एमाले प्रचार विभाग प्रमुख भक्तकुमारी लामाले नदीको तटीय क्षेत्रका वासिन्दाहरुलाई सुरक्षित स्थानमा स्थानान्तरण गर्न र जोखिममा परेकाहरुको उद्धार तथा राहतमा खटिन एमालेका तमामा पार्टी कार्यकर्ताहरुलाई अपील गर्नुभएको छ । प्रचार विभाग प्रमुख लामाले प्राकृतिक विपत्तीले उत्पन्न विषम परिस्थितिका कारण काठमाडौ लगायत अन्य स्थानमा राखिएका पार्टीका पूर्व निर्धारित कार्यक्रमहरु स्थगन गरिएको बताउनु भएको छ ।
प्राकृतिक विपत्तिबाट बच्ने एउटै उपाय भनेको सचेत रहने र जोखिम भएको ठाउँबाट सुरक्षित स्थानमा सर्ने हो र एक अर्कामा हातेमालो र सञ्चार गर्ने हो उहाँले अगाडि भन्नुभयो ।
उहाँले बाढी र पहिरोबाट वेपत्ता भएकाहरुको उद्धार तथा जीवन रक्षामा लाग्नु एमाले कार्यकर्ताको पहिलो काम भएको बताउँदै नेता लामाले विद्युत आपूर्ति र सञ्चार सम्पर्कलाई कायम राख्न सरकारी अधिकारीहरुको ध्यानाकर्षण समेत गराउनु भएको छ ।