तेमाल ३१ बैशाख : तेमाल गाउँपालिकाले अनिश्चित कालका लागि ‘लकडाउन’ घोषणा गरेको छ । तेमालमा कोरोना सङ्क्रमण बढ्दै गएपछि लकडाउन घोषणा गरेको हो । कोरोना भाइरस रोकथाम, नियन्त्रण तथा व्यवस्थापन गर्नका लागि गाउँपालिकालाई लकडाउन गरेको गाउँपालिकाका प्रमुख प्रशासकीय अधिकृत लक्ष्मण कुइँकेलले बताउनु भयो ।
शुक्रवार बसेको गाउँपालिकाको निर्णयअनुसार लकडाउनको बेला अत्यावश्यक सेवा बाहेक गाउँपालिका भित्रका सबै सेवा बन्द हुने गाउँपालिकाले जनाएको छ ।

लकडाउनको बेला सेवा स्वास्थ्य, सुरक्षा, सञ्चार, विद्युत्, खानेपानी, औषधी तथा औषधीजन्य पसलहरू २४ घण्टा खुल्ने छ भने अत्यावश्यक खाद्यान्न पसल हरेक दिन बिहान ६ : ०० बजे देखी बिहान ८: ०० बजे सम्म मात्र खुल्ने प्रमुख प्रशासकीय अधिकृत कुइँकेलले बताउनु भयो