काठमाडौँ १८ वैशाख : हेटौँडामा कार र मोटरसाईकल ठोक्किँदा एक जनाको मृृत्यु भएको छ । मृत्यु हुनेमा बारा जिल्ला महागढीमाई नगरपालिका वडा नम्वर–४ का ३५ वर्षीय मोटरसाइकल चालकसञ्जय कुमार शुक्ला रहेका छन् ।
जिल्ला प्रहरी कार्यालय मकवानपुरका अनुसार ना ३८ प ९३५३ नम्वरको मोटरसाइकल र बा ८ च २९५३ नम्वरको कार आपसमा ठोक्किएर दुर्घटना भएको हो । दुर्घटनामा नवलपरासी जिल्ला निवासी बर्ष अन्दाजी ३३ की ज्योति अर्याल घाइते भएकी छिन् ।
घाइते अर्यालको हेटौँडा उपमहानगरपालिका वडा नम्वर–११ स्थित चुरेहिल अस्पतालमा उपचार भइरहेको पनि प्रहरीले जनाएको छ ।
प्रतिक्रिया