सुनसरी, १४ बैैसाख :   कोरोना भाइरस संक्रमणबाट सुनसरीको धरानस्थित बिपी कोइराला स्वास्थ्य विज्ञान प्रतिष्ठानमा उपचाररत दुई जनाको मृत्यु गएको छ । वैशाख ४ गते अस्पताल भर्ना गरिएका विराटनगर–१२ का ७५ वर्षीय वृद्धको मृत्यु भएको हो । उच्च रक्तचापका बिरामी उनको उपचारका क्रममा सोमबार दिउँसो मृत्यु भएको प्रतिष्ठानका सहप्रवक्ता डाक्टर चूडामणि पोखरेलले जानकारी दिए । डाक्टर पोखरेलका अनुसार यसअघि जनकपुरका ४८ वर्षीय पुरुषको मृत्यु भएको थियो । वैशाख ९ गते अस्पतालन भर्ना गरिएको उनमा पनि उच्च रक्तचापको समस्या थियो । दुवै शव स्वास्थ्य मापदण्डअनुसार व्यवस्थापन गरिएको अस्पतालले जनाएको छ । सोमबार मोरङ र जनकपुरका दुई बिरामीको मृत्यु भएको अस्पतालले जनाएको छ ।