बनेपा ८ मंसिर नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टी (नेकपा) का काभ्रे जिल्ला सदस्य रोशी गाउँपालिका– ६ सिपालीका २७ बर्षिय बुद्धलाल लामांलाई ईलाका प्रहरी कार्यालय बनेपाले २०७७ साल मंसिर ७ गते बनेपा बस पार्कबाट गिरफ्तार गरेको छ । ईलाका प्रहरी कार्यालय बनेपाका ईन्स्पेक्टर योगेन्द्र तिमाल्सीनाका अनुसार नेता लामाले बनेपा आसपासमा प्रतिबन्धित नेपाल कम्युनिष्ट पार्टीको सातौ पार्टी पुनर्गठन कार्यक्रम सम्बन्धी पर्चा छदै हिडेको थियो ।

लामालाई प्रहरीले मुलुकी अपराध, २०७४ को परिच्छेद–५ सार्वजनिक हीत, स्वास्थ्य, सुरक्षा, सुविधा र नैतिकताविरुद्ध कसुरअन्तर्गत दफा ११८ अभद्र ब्यवहार गर्न नहुने कसुर शीर्षकमा मुद्धा २०७७ मंसिर ८ गते दर्ता गरेको छ ।