तेमाल २८ कार्तिक ;   काभ्रेको तेमाल गाँउपालिका वडा नम्बर २ सस्र्युखर्कमा विहिबारबाट सामाजिक सुरक्षा भत्ता बितरण गर्न सुरु गरिएको छ । चालु आर्थीक वर्षको प्रथम चौमासीकको सामाजिक सुरक्षा भत्ता रकम बितरणको काम सुरु गरिएको वडा अध्यक्ष तिमाल सिं तमाङले जानकारी दिनुभयो ।

वडा अध्यक्ष तामाङका अनुसार बिहिबार सस्र्युंखर्क गाविस साविकका वडा नम्बर ८, ६, २, ५ र ९  वडाका लाभग्राहीहरुलाई भत्ता रकम लिनका वडा कार्यालयमा मार्फत नै वितरण शुरु गरिएको हो । तेमाल गाउँपालिका वडा नं २ मा दुई सय ५० भन्दाबढी सामाजिक सुरक्षा भत्ता लिने रहेका छन् । वडा कार्यालय सम्म आउन नसक्ने लाभग्राहीहरुलाई घरघरमै पुगेर बितरण गरिने अध्यक्ष तमाङले बताउनुभयो । यसैगरी चालु आर्थिक वर्षको प्रथम चौमासीक देखी नै बैंकीङ प्रणाली मार्फत भत्ता बितरण गर्ने गाँउपालिकाले तयारी गरेको भएपनि तयारी पुरा नभएकाले प्रथम चौमासीकको सामाजिक सुरक्षा भत्ता वडा कार्यालय मार्फत नै बितरण गरिएको गाउँपालिकाले जनाएको छ ।

दोस्रो चौमासीक देखी भने बैंकीङ प्रणाली मार्फत  वितरण  गर्ने योजना रहेको गाँउपालिकाका अध्यक्ष सलाम सिं तमाङले बताउनुभयो ।