काठमाडौं, २ कार्तिक । सत्तारूढ दल नेपाल कम्युनिष्ट पार्टी नेकपाका केन्द्रीय सदस्य विष्णु रिजालले देश कोरोना संक्रमणका कारण नागरिक जीवन मरणको संघर्षमा रहेका बेला दशैं खर्च लिने साँसदलाई अलिकति लाज लागेन भनेर प्रश्न गरेका छन् ।

नेता रिजालले आइतबार सामाजिक सञ्जाल आफ्नो फेसबुकमार्फत कोरोना संक्रमितले उपचार नपाइरहेको तथा देशको अर्थतन्त्र ओरालो लागिरहेका बेला दशैं खर्च सरकारले दिनु र साँसदले लिनु अस्वाभाविक भएको टिप्पणी गरेका हुन् । ‘सरकारले नागरिकलाई दशैं मनाउनका लागि नहिंड्नुस् भनिरहेको छ । अनि सांसदहरूलाई दशैं खर्च उपलब्ध गराइरहेको छ,’ रिजालले ट्वीटरमा समेत लेखेका छन्, ‘जनताले भेन्टिलेटर र औषधि नपाइरहेको, स्वास्थ्यकर्मीले सास फेर्ने फूर्सद नपाइरहेको र अर्थतन्त्र ओरालो लागिरहेका बेला जनप्रतिनिधिहरूले अलिकति लोकलाज र जिम्मेवारी महसुस गर्नु पर्दैन ?