धुलिखेल १२ असोज काभ्रेका २१ जना कोरोना संक्रमित निको भएर घर फर्किएका छन् । यो संगै जिल्लामा कोरोना निको भएर घर फर्किएको संख्या ४०५ पुगेको छ । घर फर्किएकाहरुमा १५७ जना महिला र २४८ जना पुरुष रहेको रहेको स्वास्थ्य कार्यालय काभ्रेका प्रमुख डाक्टर नरेन्द्रकुमार झाले जानकारी दिनुभयो ।

यस्तै आईबार काभ्रेमा ४ जना नयाँ संक्रमित थपिएका छन् । मण्डनदेउपुर नगरपालिका र नमोबुद्ध नगरपालिकाका १-१ जना पुरुष, पाँचखाल नगरपालिका र रोशी गाँउपालिकाका १-१ जना महिलामा संक्रमण पुष्टि भएको डाक्टर झाले बताउनुभयो । यो संगै जिल्लामा संक्रमित हुनेको संख्या ६०० पुगेको छ । संक्रमित हुने संख्यामा पुरुष धेरै रहेका छन् । हाल जिल्लामा १८९ जना सक्रिय संक्रमित छन् । उनीहरु मध्ये १२९ जना अस्पताल आईसुलेसन र ६० जना होम आईसुलेसनमा रहेको डाक्टर झाले बताउनुभयो ।