धुलिखेल, ९ असाेजः अरिबल बर्षासँगै आएको पहिराले नमोबुद्ध नगरपालिकाको वडा नम्बर २ मा ठूलो क्षति पुर्याएको छ । वडाध्यक्ष सञ्जिव ढकालका अनुसार पहिराले स्थानीय टेकबहादुर तामाङ, चन्द्रमाया तामाङ र टिकाबहादुर कटुवालको घर पूर्णरूपमा ध्वस्त पारेको छ ।

त्यस्तै पहिरोले चेतराम परियार, विनोद परियार, सन्तोष परियार, केदार परियार, पुष्पबहादुर परियार लगायत वडा भित्रका १७ घरमा आंशिक क्षति पुर्याएको छ । वडाध्यक्ष ढकालका अनुसार पहिरोका कारण वडाका ५ वटा भित्र सडकमा सवारी आवागमन अवरुद्ध भएको छ ।

पहिरोले पुर्याएको क्षतिको वितवरण आइनसकेको वडाध्यक्ष ढकालले बताउनुभयो । यसैबीच पहिरोले अवरूद्ध बीपी राजमार्ग भने सुचारु भएको छ । झण्डै साढे तीन घण्टा पछि राजमार्ग सुचारु भएको वडाध्यक्ष ढकालले बताउनुभयो ।