बनेपा २७ भदौं : दोलखामा क्रेनको डोरी चुडिँदा काभ्रेका एक पुरुषको मृत्यु भएको छ । दोलखामा निर्माणाधीन सुरी हाइड्रोपावरमा क्रेनको डोरी चुडिँदा पनौती नगरपालिका वडा नं ६ का ३१ वर्षीय महेश केसीको मृत्युु भएको जिल्ला प्रहरी कार्यालय दोलखाका प्रवक्ता प्रहरी निरीक्षक रेशम बोहराले जनाकारी दिनुभयो ।
जिल्ला प्रहरी कार्यालय दोलखाका अनुसार पैंतिस फिट माथिबाट क्रेनको डब्बासहित केसी तल ढलानमा पछारिएका थिए । केसीको टाउको र शरीरका विभिन्न भागमा चोट लागेको थियो । केसीको घटनास्थलमा नै मृत्यु भएको जिल्ला प्रहरी कार्यालय दोलखाका प्रवक्ता प्रहरी निरीक्षक रेशम बोहराले बताउनु भयो ।
प्रतिक्रिया