धुलिखेल, १२ भदौः काभ्रेमा आज २९ जनामा कोरोना संक्रमण पुष्टि भएको छ । स्वास्थ्य कार्यालय काभ्रेका प्रमुख नगरेन्द्र कुमार झाका अनुसार आज एकैदिन २९ जनामा संक्रमण पुष्टि भएको हो । संक्रमित हुनेमा अधिकांश बनेपा नगरपालिकाका रहेका छन् ।

नयाँ थपिएका संक्रिमतमा बनेपा नगरपालिका वडा नम्बर १३ मा रहेको स्पाइनल इन्जुरी अस्पतालमा कार्यरत २० जना पुरुष र ७ जना महिला छन् । त्यस्तै बनेपामै रहेको शिर मेमोरियल अस्पतालका १ जना पुरुष र भुम्लु गाउँपालिका १ जना रहेको स्वास्थ्य कार्यालय काभ्रे प्रमुख झाले बताउनुभयो ।

यो सँगै जिल्लामा कोरोना संक्रमितको संख्या २१९ पुगेको छ । ८१ जना उपचारपछि निको भएर घर फर्किएका छन् । १३६ जना विभिन्न होम तथा अस्पतालको आइसोलेसनमा बसिरहेका छन् ।