बनेपा २५ साउन : काभ्रेको बेथानचोक गाँउपालिकाले ढुंखर्क स्वास्थ्य चौकीबाट प्रदान गरिने सेवाहरु बन्द गर्ने निर्णय गरेको छ । साउन २३ गते वडा नम्बर २ मा रहेको ढुंखर्क स्वास्थ्य चौकीको क्वारेन्टाईनमा बस्ने २१ वर्षीय युवतीले आत्महत्या गरेपछि बन्द गरिएको हो ।

आत्महत्याको घटना पछि स्थानीयले स्वास्थ्य चौकी तोडफोड तथा स्वास्थ्यकर्मी माथि समेत आक्रमण गरेका थिए । स्थानीयको तोडफोडबाट स्वास्थ्य चौकी तथा क्वारेन्टाईन स्थल क्षति पुगेकाले सेवा बन्द गर्ने निर्णय गरिएको गाँउपालिकाका अध्यक्ष प्रेम बाहादुर तिमल्सीनाले बताउनुभयो ।

अध्यक्ष प्रेम बाहादुर तिमल्सीनाका अनुसार गाउँपालिकाले अर्को सुचना प्रकाशन नभए सम्ममा लागी सबै सेवारु बन्द गर्ने निर्णय गरेको छ । स्वास्थ्य चौकी बन्द भए पनि प्रसुती सेवाका लागि भने गाँउपालिकाले एम्बुलेन्स संञ्चालन गर्ने भएको छ । तोडफेडका क्रममा दुई जना स्वास्थ्य कर्मी घाईते भएका छन् ।

स्थानीयहरुले मोटरसाईकल, स्वास्थ्य चौकीको औषधी, फ्रीज, झ्याल, ढोका लगायत फर्नीचरका समानहरुमा र गाँउपालिका अध्यक्षको घरमा समेतभएको अध्यक्ष तिमल्सीनाले बताउनु भयो ।