धुलिखेल, ११ साउनः घरेलु तथा साना उद्योग कार्यालयले बनेपामा बजार अनुगमन गरेको छ । आइतबार अनुगमनका क्रममा २० हजार, ३ सय ६० रुपैयाँको सामान जफत गरी नष्ट गरिएको घरेलु तथा साना उद्योग कार्यालयका उद्योग अधिकृत केशव प्रसाद पुडसैनीले बताउनुभयो ।

बनेपा बजारका किराना पसलमा गरिएको अनुगमनमा म्याद नाघेका, किरा परेका, सडेगलेका केराउ, भाइ मसला, दालमोठ, भुजिया, आटा पिठो, फुरुनदाना, चाउचाउ, पापड, नरिवल लगायत खाद्य सामाग्री नष्ट गरिएको हो । बनेपामा रहेका १० वटा किराना पसलमा अनुगमन गर्दा ३ वटा पसलमा यस्ता साम्रागी फेला परेको बताइएको छ ।

काभ्रेका सहायक प्रमुख जिल्ला अधिकारी लक्ष्मिदेवि हुमागाईको सँयोजकत्वमा रहेको संयुक्त बजार अनुगमन समितिले बजार अनुगन गरेको हो ।