धुलिखेल, २८ असारः धुलिखेल स्थित काठमाण्डौ विश्वविद्यालयले आगामी आर्थिक वर्षको लागि बजेट सार्वजनिक गरेको छ । आइतबार काठमाडौ विश्वविद्यालय सभाको ८७ औँ बैठकले आर्थिक वर्ष २०७७ २०७८ का लागि ३ अर्ब ७० करोडको बजेट पास गरेको हो ।

विश्वविद्यालयका सहकुलपति समेत रहनुभएका शिक्षा, विज्ञान तथा प्रविधिमन्त्री गिरिराजमणी पोखरेलको अध्यक्षतामा सम्पन्न बैठकले गर्दै चालु वर्षको लेखापरिक्षण गर्न लेखापरिक्षकको नियुक्ति गर्ने निर्णय गरेको छ ।

सभाले लगातार तीन वर्षसम्म एउटै कम्पनीलाई लेखापरिक्षण गर्न दिने निर्णय गरेको विश्वविद्यालयले जनाएको छ । ८७ औँ बैठकले आर्थिक वर्ष २०७५/२०७६ को बार्षिक लेखापरीक्षण प्रतिवेदन पनि पारित गरेको छ ।