धुलिखेल, १० असारः काभ्रेको सबैभन्दा कान्छो नगरपालिका मण्डनदेउपुरले पनि आगामी आर्थिक वर्षका लागि नीति, कार्यक्रम र बजेट प्रस्ताव गरेको छ । ७ औँ नगरसभामा नगरप्रमुख टोक बहादुर वाइबाले ९२ करोड २५ लाख ७९ हजार ७५१ को निति कार्यक्रम र बजेट प्रस्तुत गर्नुभएको हो । नगरपालिकाले कोरोना नियन्त्रण अन्तर्गत स्वास्थ्य क्षेत्रलाई विशेष प्राथमिकता दिएको छ ।

विगतका वर्ष देखि नै शिक्षा उच्च प्राथमिकतामा राखेको नगरपालिकाले यो वर्ष पनि उत्तिकै प्राथमिकता दिएको छ । त्यस्तै कृषि, पशु र पर्यटनको क्षेत्रमा पनि बजेट विनियोजन गरिएको प्रवक्ता डिल्ली आचार्यले जानकारी दिनुभयो । नगरसभामा प्रस्तुत गरिएको नीति, कार्यक्रम र बजेट असार १६ गते बस्ने नगरसभाको बैठकले पारित गर्नेछ ।

नगरपालिकाले नीति तथा कार्यक्रममा संघीय सरकारले तोके बमोजिम सबै कर्मचारीहरुको तबल बृद्धि गर्ने उल्लेख गरेको छ । प्रशासनिक भवनलाई आगामी आर्थिक वर्षभित्रै सकाउने गरी बजेट विनियोजन गरिएको छ ।