धुलिखेल, १ असारः सिन्धुपाल्चोक जिल्लाको हेलम्बु गाउँपालिकामा ५२ जनाले रक्तदान गरेका छन् । सोमबार हेलम्बु गाउँपालिकाको आयोजना, नेपाल रेडक्रस सोसाइटी ग्याल्थुम उपशाखा र नेपाल रेडक्रस सोसाइटी भक्तपुर जिल्ला शाखाको प्राविधिक सहयोग भएको रक्तदान कार्यक्रममा ५२ जना रगत दान गरेका हुन् ।
रक्तदान शिविरमा ८ जना महिला र ४४ जना पुरुष गरी जम्मा ५२ जनाले रक्तदान गरेको गाउँपालिकाले जनाएको छ । जोखिमपूर्ण अवस्थामा बिरामीहरुको लागि रगतको अभाव हुन नदिन स्थानीय स्तरमै रक्तदान कार्यक्रम गरिएको पालिकाले जनाएको छ । यसअघि पनि पालिकाले रक्तादन कार्यक्रम गरेको थियो ।
प्रतिक्रिया