काठमाडौं ३२ जेठः प्रतिबन्धित नेत्रविक्रम चन्द नेतृत्वको विप्लव समूहले नेपाल प्रहरीलाई अनावश्यक खनतलासी र धरपकड नगर्न निर्देशन दिएको छ ।

ललितपुर प्रहरी प्रमुख एसएसपी टेकप्रसाद राई नेतृत्वको टोलीले विप्लव समूहका ललितपुर जिल्ला समिति सदस्य सानुराज बज्राचार्यलाई पक्राउ गर्दै उनको कोठामा खनतलासी गरेर ठूलो परिमाणमा विष्फोटक पदार्थ बरामद गरेको थियो ।

घटनापछि सेक्रेटरी विदुषीको नामबाट जारी विज्ञप्तिमा भनिएको छ, ‘केपी सरकारका मतियार एसएसपी टेकप्रसाद राईलाई पनि जनताको सामान्य नागरिक भएर बाँच्ने अधिकारको हनन् गर्ने, नागरिकको चरित्र हइता गर्ने खालका अभिव्यक्ति दिने र एक राजनीतिक पार्टीमा आस्था राखेको आधारमा, एक स्वतन्त्र नागरिक भएर जिउने अधिकारको हनन् गर्दै अनावश्यक खानतलासी गर्ने, घर घर्ने घरपकड गर्ने तथा शारीरिक, मानसिक यातना दिने काम तुरुन्त रोक्न निर्देशन गर्दछौं ।’

विप्लव समूहले पक्राउ परेका बज्राचार्य लामो समयदेखि पार्टीको सम्पर्कमा नरहेको भनेको छ ।