धुलिखेल, ३१ जेठः संविधानमा नयाँ निशान छाप राख्न सदनमा दर्ता भएको संविधान संशोधन प्रस्ताव पारित भएपछि देशभर खुशीयाली मनाउन सुरु गरिएको छ । शनिबार धुलिखेलमा खुशीयाली साटासाट गर्नुका साथै दिपावली गरिएको छ ।

धुलिखेलमा विभिन्न बाजा गाजा सहित भेला भएका सर्वसाधरणले दिपावली गरेका छन् । भारतले कब्जा गरेको लिम्पियाधुरा, लिपुलेक सहितको नेपालको राजनैतिक एब प्रसाशनिक नक्सा सहितको निशान छाप शनिबार प्रतिनिधि सभाबाट पारित भएको छ । दिपावलीमा सहभागीहरुले राष्ट्रियताको पक्षमा आफुहरु कोहिसँग नझुक्ने बताएका छन् ।

सिबि तामाङकाे अगुवाइमा भएकाे कार्यक्रममा नगरप्रमुख अशाेक ब्याञ्जु, वडा अध्यक्ष, नागरिक समाजका अगुवा सहभागि भएका थिए । धुलिखेलकाे विभिन्न माग परिक्रममा गर्दै युवाहरूले दिपावली कार्यक्रममा सहभागि भएका थिए ।

स्वस्फुर्त रुपमा भेला भएका धुलिखेलका युवाहरुले सरस्वती पार्कमा दिपावली गरेका हुन् । युवाहरुले जबजस्र्त भारतले कब्जा गरिएको भूमि भोगचलन गर्ने वातावरण छिट्टै गर्न सरकारलाई आग्रह समेत गरेका छन् । निशान छाप संशोधनको पक्षमा संसदमा उलब्ध भएका २५८ जना सासंदले मतदान गरेका थिए । बनेपामा पनि स्थानीयहरुले दिपावली गरेर खुशी साटेका छन् ।

अब राष्ट्रिय सभाबाट पारित भएर राष्ट्रपतिबाट लागू भएसँगै नेपालको निशान छाप परिवर्तन हुनेछ ।