धुलिखेल २७ जेठ : कोरोना भाईरस रोकथामका लागि सरकारले गरेको लकडाउनले गर्दा समस्यामा परेको माझीवस्तीलाई कोलाँती युवा क्लवले राहत वितरण गरेको छ ।

भुम्लु गाउँपालिका वडा ६ कोलतीका सक्रिय यूवाहरुले आँपघाटका माझी समुदायलाई राहत वितरण गरेको हो । राहत वितरण गर्न भुम्लु गाउँपालिकाका उपाध्यक्ष कल्पना श्रेष्ठ वडा नं ६ का वडा अध्यक्ष अध्यक्ष भरतबहादुर शिवभक्ती माझीवस्ती पुगेका थिए । कोशीपरीका पत्रकार क्रान्ती लामाका अनुसार आँपघाटका अति विपन्न ५० घर धुरीलाई एकबोरा चामल,एक लिटर तेल, एक प्याकेट नुन र दुईसय पिस मास्क वितरण गरेका छन् ।

राहत जुटाउन युवा क्लबका राजु रानामगर, सुविन बुढामगर, हरि फुयाल, बिष्णु लामा, अङ्कुर रानामगर, देबिना श्रेष्ठ, जीवन माझी र क्षेदुक लामाले सहयोग गरेको कोलाँती युवा क्लबका सयोजक सुनिल माझीले बताए । कोलाँती युवा क्लवले विपद्को बेला भुम्लु लगायत आसपासका क्षेत्रमा सहयोग वितरण गरिदै आईरहेको छ ।