धुलिखेल, २४ जेठः काभ्रेको मण्डनदेउपुर नगरपालिकाले खाद्यान्नका लागि काम गर्न चाहाने ब्यक्तिको नाम सिफारिस गर्न सबै वडालाई आग्रह गरेको छ । नगर स्तरीय बिपद् बयबस्थापन समिति बैठकले एक परिवार, एक जनाको दरले काम गर्न चाहाने ब्यक्तिको नाम नगरपालिकामा पठाउन भनेको हो ।
एक जना ब्यक्तिले दुई दिन काम गरे बापत ३० केजी चामल, २ केजी दाल, एक केजी नुन र एक लिटर तेल राहत स्वरुप दिइने नगरपालिकाका प्रमुख प्रशासकिय अधिकृत प्रणराज न्यौपानेले जानकारी दिए । वडा नम्बर एक देखि ९ सम्म र १२ नम्बर वडाले ५०÷५० जनाका दरले कामदार सिफारिस गर्न पाउने छन् । त्यस्तै वडा नम्बर १० र ११ ले ७५÷७५ जनाको दरले कामदार लगाउन पाउने छन् ।
प्रतिक्रिया