धुलिखेल ९ बैशाख : काभ्रेको पाँचखाल नगरपालिका वडा नं ५ मदनबासका अग्नी पिडित रामबहादुर तामाङलाई पाँचखालका यूवाहरुले १ लाख २५ हजार बराबरको सामान सहयोग गरेका छन् ।
बैशाख ८ गते घरमा करेन्ट सर्ट भएर आगलागी भई घर जलेर समस्यामा परेका रामबहादुर तामाङलाई घर छाउने जस्ता, पाईप, झ्यालढोका, लत्ताकपडा, सिरकडस्ना र आवश्यक रासन पानी सहयोग गरिएको नेकपा काभ्रेका सदस्य एवं राष्ट्रिय युवा संघ काभ्रेका सह -सयोजक राजकुमार श्रेष्ठले बताउनुभयो ।
श्रेष्ठका अनुसार सहयोगीहरुमा ग्रिन भिलेज हाउजिङ प्रालिले पाँचखालका समाजसेवी रमेश राज गिरिको सहजीकरणमा जस्ता लगायत छानोका सम्पुर्ण सामग्री सहयोग गरेका छन् ।
यसैगरी पाँचखालकै समाजसेवी धनबहादुर तामाङले घरमा लाग्ने झ्याल ढोका, पाचखाल नगरपालिका वडा नं ५ का अध्यक्ष बालकृष्ण सापकोटाले खाद्यान्न र लत्ताकपडा, नेकपा जिल्ला सदस्य एवं राष्ट्रिय युवा संघ काभ्रेका जिल्ला सह संयोजक राजकुमार श्रेष्ठले खाद्यान्न तथा लत्ताकपडा र पाचखालकै समाजसेवी गणेशलाल श्रेष्ठले लगाउने कपडा तथा तरकारी उपलब्ध गराएका थिए ।
प्रतिक्रिया