धुलिखेल २७ चैत :  पाँचखालका युवाहरुले कोरोना भाईरसका कारण समस्यामा परेका मजदुरहरुका चुलो बाल्ने अभियान शुरु गरेका छन् ।

काभ्रे पाँचखाल नगरपालिका वडा नम्बर ५ का युवाहरुले आफ्नो खावाबजार तथा आसपाका ठाउहरुमा मजदुरी गदैं आएकालाई खाद्यान्न सामाग्री वितरण गरेर अभियान शुरु गरेको हो ।

छिमेकीको चुलो बालौं कोरोना बाट आफु बचौ भन्ने नाराका साथ अभियान शुरु गरेको खावाका सुनिलराज गिरीले बताए । पहिलो पटक १५ जनाको यूवा समुहले शुरु गरेको अभियानमा पाँचखाल ५ का करिब २० घर धुरी लाई १५ केजी चामल, नुन, तेल, साबुन बितरण गरिएको थियो। यूवाहरुको समुहरुले गरेको राहत वितरण अभियानको कुनै फोटो नखिच्ने प्रतिवद्धता जनाएको अभियान्त कुमार लामाले बताए ।