धुलिखेल, १७ चैतः धुलिखेल नगरपालिका वडा नम्बर ४ का वडाध्यक्ष रविन्द्र कर्माचार्यले फागुन र चैत महिनाभित्र विदेशबाट आफ्नो वडाभित्र आएकालाई तत्काल सम्पर्कमा आग्रह गरेका छन् । उनले २४ घण्टाभित्र सबैलाई सम्पर्कमा आउन उर्दी जारी गरेका हुन् ।

विदेशबाट आएका मानिसमा कोरोना भाइरसको संक्रमण पुष्टि भएपछि त्यो नफैलियोस भन्नका लागि सम्पर्कमा आउन २४ घण्टाको समयदिएको वडाध्यक्ष कर्मचार्यले बताए । उनले आफ्नो वडाबासीलाई घर बाहिर ननिस्की कोरोना भाइरस रोकथाममा सहयोग पुर्याउन अपिल समेत गरेका छन् ।

आफ्नो आफु, आफ्नो परिवार, समाज र देशलाई नै कोरोना भाइरसको संक्रमणबाट बचाउन विदेशबाट फर्किएका सबैलाई सम्पर्कमा आउने वडाध्यक्षले भनेका हुन् । टोल, छरछिमेकमा विदेशबाट आएर भसेको भए कोहिले पनि जानकारी गराउन सक्ने अध्यक्ष कर्माचार्यले बताउनुभयो ।