धुलिखेल १५ चैत तेमाल गाउँपालिका वडा नं २ सस्र्यूखर्कका जनप्रतिनिधि र स्वास्थ्य कर्मचारीहरुले कोरोना भाईरस विरुद्ध घरदैलो अभियान शुरु गरेको छ ।

वडामा क्रियाशिल रहेका नागरिक समाज वडाका जनप्रतिनिधि,शिक्षक रं स्वास्थ्य कर्मचारीहरुले वडा भित्र घरदैलो गरी कोरोना भाईरसबारे सचेतना कार्यक्रम गरेको हो ।

वडा अध्यक्ष तिमाल सिं तामाङको नेतृत्वमा वडा कार्यालयबाट शुरु गरेको सचेतना अभियानमा स्थानीयलाई साबुना पानीले २० सेकेण्ड सम्म मिचिमिचि हात धुने गरौं, कोरोना भाईरसबाट बचौं ।

घरआँगन सफा गरौ, सभ्य नागरिकको परिचय दियौं, पानी उमालेर मात्रै पिउने गरौं, साधारण रुघा खोकी ज्वरो आएमा नजिकैको स्वास्थ्य चौकीमा जाऔं, कोरोना भाईरसबाट आफु बचौं र अरुलाई पनि बचाऔं भन्ने नाराका साथ माईकिङ गरेको वडासदस्य डिल्लीमान तामाङले जानकारी दिए ।