धुलिखेल, ८ चैतः कोरोना भाइरस (कोभिड-१९) को संक्रमणका कारण मान्छे मरेको भन्दै हिमाल नाम गरेका साथीलाई, नर्भिक अस्पतालको हवाला दिदै आवाज रेकर्ड गरि सामाजिक सञ्जालमा पोष्ट गर्ने विवेक थापा मगर नेपाली काँग्रेसको विद्यार्थीं संगठन नेपाल विद्यार्थी संघसंग आबद्ध रहेको पाइएको छ ।

झुटो प्रचार गर्ने रामेछाप घर भई भक्तपुरको सिपाडोल बस्ने २० वर्षका मगरलाई नेपाल प्रहरीको साइबर ब्यूरोले शनिबार दिउँसो पक्राउ गरेपछि यो रहस्य खुलेको हो । सुचना विभागमा दर्ता नभएको झोर्ले नाम गरेको समाचार अनलाइन मार्फत मगरले कोरोनाका कारण एक नेपालीको मृत्यु भएको तर अस्पतालले घटना लुकाएको अडियो सामाजिक सञ्जालमा सन्देश पोष्ट थिए ।

आफ्नो फेसबुक प्रोफाइलमा मगरले आफु उक्त अनलाइनको सिइओ समेत रहेको उल्लेख गरेका छन् । उनी पशुपति बहुमुखी क्याम्पसमा अध्ययनर रहेको र नेपाल विद्यार्थी संघमा आवद्ध रहेको उनको फेसबुकबाट देखिन्छ । थापा मगरले बनाएको अडियो सामाजिक सञ्जालमा भाइरल बनेपछि प्रहरीले खोजी सुरू गरेको थियो । घटनाका सम्बन्धमा थप अनुसन्धान भैरहेको र अनर्गल प्रचारबारे कारबाहीको प्रक्रिया सुरू गरेको प्रहरी प्रवक्ता शैलेश थापा क्षेत्रीले बताएका छन् ।