धुलिखेल, १९ फागुनः काभ्रेको पनौती नगरपालिकाले कृषि बाली बिमा गर्ने किसानलाई अनुदान दिने भएको छ । पालिकाले नीति तथा कार्यक्रममै उल्लेख गरेर बाली बिमाको प्रिमियरमा अनुदान दिन लागेको हो ।

त्यसका लागि अहिले वडा वडा पुगेर किसानलाई पालिकाको कृषि तथा पशुपन्छी शाखाले कृषि बाली बिमाको बारे अभिमुखिकरण तालिम दिइन थालेको छ । नगरपालिकाले अनुदानका लागि चालु आर्थिक वर्षका लागि ३० लाख रुपैयाँ विनियोजना गरेको छ ।

वडा नम्बर २ र ३ र ४ नम्बर वडामा अभिमुखिकरण तालिम सकेको कृषि तथा पशुपन्छी शाखाका प्रमुख मणिप्रसाद सापकोटाले जानकारी दिए । उनका अनुसार पालिकाभित्र २३ वटा कृषि फार्मले मात्रै बाली बिमा गरेका छन् । पशुबिमा भने ११ हजार भन्दा बढी किसानले गरिसकेका छन् ।