धुलिखेल, १५ फागुनः काभ्रेको रोशी गाउँपालिकाले आफ्नो पालिकाभित्रका सबै अपाङ्गता भएका ब्यक्तिहरुलाई परिचयपत्र वितरण गरिसकेको बताएको छ । पालिकाले यसअघि पालिकाका ५४ जना अपाङ्गता भएका व्यक्तिहरुलाई वडा वडामै पुगेर परिचय वितरण गरेको थियो ।

तर छुटफुट भएका थप ५ जनालाई पनि बिहीबार परिचयपत्र वितरण गरिएको गाउँपालिकाका उपाध्यक्ष लक्ष्मी बर्तोलाले जानकारी दिइन । ‘हामीले यसअघि वडा–वडामा पुगेर अपाङ्गता परिचयपत्र विरतण गरेको थियौँ, बाँकी केहिलाई पनि हामीले वितरण गरिसकेका छौं, उपाध्यक्ष बर्तोलाले भनिन्, ‘अझै कोहि छुट्नुभएको छ भने पालिकामा आउनुस्, हामी परिचयपत्र उपलब्ध गराउँछाैं ।’

अपाङ्गता परिचयपत्र पाउनेमा सबैभन्दा बढी जनजाति र दलित समुदायका छन् । वडामै पुगेर वितरण गर्दा छुटेकालाई पालिकाबाटै परिचयपत्र उपलब्ध गराउने ब्यवस्था मिलाइएको उपाध्यक्ष बर्तोलाले बताइन् ।